Un novo estudo, feito na Universidade de Michigan e publicado na revista Cancers, comprobou a eficacia de aplicar ondas de ultrasóns en ratos con cancro de fígado. Os científicos estadounidenses indican que o tratamento logrou destruír ata un 75% o volume dos tumores hepáticos. Ademais, conseguiu activar o sistema inmunitario dos ratos, favorecendo que eliminase o resto do cancro. De feito, nun 80% dos animais erradicouse o tumor e non amosaron signos de metástase nos tres meses que durou a supervisión.
O tratamento pioneiro chámase histotripsia e, actualmente, tamén se está probando en persoas con cancro de fígado. Segundo o enxeñeiro biomédico e participante no estudo, Tejaswi Worlikar, este método “promete ser a opción para superar as limitacións que existen nas modalidades de ablación do tumor dunha forma efectiva e non invasiva”. Da mesma forma, esperan que este estudo sexa o principio dun camiño na investigación preclínica e chegar a ser un tratamento esperanzador para un dos cancros con menor taxa de supervivencia.
un 80% dos animais erradicouse o tumor e non amosaron signos de metástase
A técnica emprega un transdutor de ultrasón que rebota nas estruturas internas e desarticula fisicamente os tumores. Isto é posible grazas á cavitación por ultrasón, un método similar ao que se emprega para destruír as células de graxa nos tratamentos de adelgazamento. Ditas ondas diríxense á zona a tratar mediante vibracións que xeran pequenas burbullas e destrúen así parte do tumor. A pesar de que só destrúe parcialmente o cancro, fai posible unha regresión do 81% nas ratas tratadas, ademais de reducir o risco de metástase.
Os resultados do estudo, xunto co investigaciones anteriores, demostran que a técnica da histotripsia axuda a que non desenvolva metástase e reducir o tamaño do tumor, sumado ao aumento da porcentaxe de supervivencia dos doentes. Así pois, os futuro estudos terán que seguir investigando sobre a seguridade do tratamento e os efectos para que poida ter a súa aplicación nas persoas.
Referencia: Impact of Histotripsy on Development of Intrahepatic Metastases in a Rodent Liver Tumor Model (Publicado en Cancers)
