Converten en churrasqueira unha mámoa milenaria en Lousame

Denuncian esta nova desfeita nunha anta que figura no Catálogo do Patrimonio Cultural de Galicia

Unha mámoa milenaria convertida en churrasqueira nun novo ataque ao patrimonio cultural de Galicia. Desta volta, a vítima foi a mámoa de Casamea ou Pedra da Cana, situada en San Pedro de Tállara, no municipio de Lousame.

En 1995, esta anta foi alterada gravemente, ao ser destruída a cámara mortuoria para construír unha grella, con cheminea e porta incluídas. Recentemente, alguén volveu colocar os ortostatos (as laxas verticais) que se arrincaron en 1995, situándoos arredor do túmulo. Tamén deixaron diverso lixo que se pode observar na zona, que inclúe bidóns de plástico e un frigorífico.

Publicidade

Hai un ano, un boirense presentou un escrito ante Patrimonio preguntando se a actuación tiña permiso. Seis meses máis tarde, volveu presentar unha consulta ante a Xunta de Galicia, pero tampouco obtivo resposta.

Curiosamente, a citada mámoa figura no Catálogo do Patrimonio Cultural de Galicia e está protexida polo PXOM de Boiro desde 2004. Pero todo isto non impediu que pasase á consideración de churrasqueira.

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

Un equipo da USC e da UVigo crea unha maqueta virtual interactiva para imaxinar o futuro de Galicia

O proxecto do CISPAC crea unha paisaxe alternativa vertebrada en catro eixos temáticos: a comunidade, o hábitat, a enerxía e a alimentación

A provincia da Coruña lidera as emisións galegas de gases de efecto invernadoiro cun 47,4% do total

Un informe do Observatorio Galego da Acción Climática revela o impacto das industrias enerxéticas fósiles no norte da comunidade

Un epistolario inédito revela a rede feminista entre Galicia e Cataluña de principios do século XX

As cartas autógrafas que Micaela Chao Maciñeira enviou en galego á pedagoga catalá Francesca Bonnemaison permiten recuperar unha figura clave do feminismo

Nin se ve, nin se cheira, nin se nota: a ameaza silenciosa do radon

As concentracións dependen do lugar onde se atopa a vivenda, a ventilación, as características do edificio e os hábitos dos seus ocupantes. Por Diana Rodríguez Rodríguez