Vista aérea do castro de Viladonga. Wikimedia Commons.

Atopan un alxibe no castro de Viladonga que amosa a enxeñería dos galaicos

Un achado que pode revolucionar a historia de Galicia. Porque os arqueólogos atoparon un depósito de auga para abastecer aos poboadores do castro de Viladonga, que demostraría que os antigos galaicos tiñan unha enxeñería avanzada, antes da chegada dos romanos. E tamén fala sobre as grandes dimensións deste castro situado no concello lucense de Castro de Rei.

O alxibe ten 70 metros cadrados de superficie e catro de profundidade, con capacidade para 150.000 litros de auga, que permitiría abastecer a 300 habitantes do castro. O depósito foi construído no século III a.C., moito antes da ocupación romana. E esta escavado na rocha, baixo a muralla que fortificaba este importante poboado.

O alxibe atopado no castro de Viladonga. Foto: Terra Arqueos.

O importante achado foi realizado pola empresa Terra-Arqueos, contratada pola Consellería de Cultura para os traballos que se iniciaron o pasado mes de setembro. Segundo o arqueólogo Miguel Ángel López, director da campaña, o alxibe é a mostra do elevado nivel de enxeñería que xa tiñan os antigos galaicos, previo á ocupación romana. Ata o de agora, este tipo de depósitos de auga estaban datados tras da conquista latina.

Ademais do alxibe, os arqueólogos descubriron unha escaleira con sete escalóns e unha torre de máis de cinco metros de diámetro, destinada a reforzar a fortificación do castro.

O depósito de auga era abastecido pola choiva e por dúas minas que escorregaban ata este pozo. E no seu interior foron atopados restos de animais, o que facilitou a súa datación. Os arquéologos de Terra-Arqueos consideran que foi construido no século III antes de Cristo, o que racha coa idea de que estas tecnoloxías foron incorporadas coa romanización.

Ademais, o alxibe melloraba as condicións de defensa do propio castro, que podía soportar largos asedios con abastecemento propio de auga.

castro de Viladonga localízase sobre unha elevación a 535 metros sobre o nivel do mar, lugar desde o que se domina visualmente gran parte da chaira da Terra Chá. No ano 2009 foi declarado Ben de Interese Cultural e conta cun museo e un centro de interpretación que o converten nun dos poboados galaicos máis coñecidos e visitados.

Entre os grandes achados neste castro, cóntase o torque de ouro atopado no ano 1911, que ten 20 quilates e un peso de 180 gramos, e que pode verse no Museo Provincial de Lugo. Nos anos 70 do pasado siglo atopouse outro torque e un anel de ouro con esmeralda, ademais de apliques, broches, fíbulas, compases ou un pasarrendas de cabalo.

O espectacular castro de Viladonga a vista de drone

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.