Hai unha velocidade límite para os corpos que caen empurrados pola forza da gravidade? Por que se dispara un láser á Lúa? É posible optimizar as nosas posibilidades nun xogo de azar? A estas preguntas (e a outras) intenta responder O Son das Ideas, un proxecto de divulgación científica en galego, que está dispoñible na rede a través dunha serie de podcasts e de vídeos en Youtube. Segundo expoñen os seus impulsores, é un recuncho onde se xuntan “curiosidade, lóxica e leria”.
Ata o de agora, contan con tres vídeos e cinco episodios en formato de audio nos que se abordan aspectos como a tecnoloxía láser, a cuántica, a intelixencia artificial, a natureza ondulatoria do son o o principio de causalidade. Podes escoitalos aquí mesmo:
Publicidade
