A Asociación Galega de Altas Capacidades presentou este martes en Santiago unha campaña para visibilizar e normalizar a situación das persoas con altas capacidades en Galicia. Son dous vídeos, en versión curta (30 segundos) e larga (2 minutos e medio), dirixos polo realizador Roi Fernández, nos que colaboran o científico Jorge Mira, o actor Antonio Mourelos e a xornalista María Solar.
Estímase que un 3% da poboación é superdotada, e entre un 11 e un 14% ten algún tipo de altas capacidades. Non en tanto, a súa situación no ensino e no eido familiar e social é ás veces difícil debido á ausencia dunha atención específica. Neste senso, a entidade reclama “sensibilidade, empatía e inclusión”, no ensino público. “O talento de mañá está nas aulas de hoxe”, remarcan desde a asociación.
