Non é un vaso sanguíneo intacto. Senón o sangue que tusiu un doente dos Estados Unidos nunha repetición perfecta das pasaxes aéreas ramificadas no pulmón dereito . Os médicos do home estaban absolutamente atónitos pola cousa, que publicaron no New England Journal of Medicine.
Nalgúns medios apareceu que esta materia era un anaco de pulmón , pero en realidade é un coágulo, como revela o artigo científico. Non é posible tusir un pulmón (aínda que se pode tusir con tanta forza que un pulmón se hernie a través das costelas).
De feito, os coágulos das árbores bronquiais, chamados cilindros, non son infrecuentes en absoluto. Están documentados algúns similares na literatura médica. O que fai tan intrigante para a ciencia este caso é que resulta absolutamente enorme, e o paciente tusiuno nunha soa peza, sen que rompese.
“Estabamos asombrados”, dixo o médico do home, Georg Wieselthaler , a The Atlantic. “É unha curiosidade que non podes imaxinar. Quero dicir, isto é moi, moi, moi raro”. O paciente, un home anónimo de 36 anos de idade, estaba a ser tratado por insuficiencia cardíaca aguda na UCI.
Publicidade
Os seus médicos conectaron o seu corazón a un dispositivo para axudalo a bombear sangue ao redor do seu corpo. Pero estes dispositivos tamén poden causar coágulos sanguíneos, polo que tiveron que lle administrar un anticoagulante chamado heparina .
O artigo no New England Journal of Medicine
Aquí podes consultar o artigo científico no New England Journal of Medicine .
O correcto “e o paciente tusiuno”, non “e o paciente o toseu”. Un saúdo.
O correcto é*. Comín o verbo :).