O rover Curiosity fotografou o que parece unha pequena flor na superficie de Marte. Non obstante, o equipo do rover xa confirmou que este obxecto é unha formación con estruturas delicadas formadas por minerais que se precipitan do auga. Esta non é a primeira vez que o Curiosity observa algo destas características antes, que se coñece como grupos de cristais diaxenéticos.
A partir de estudos de características de elementos atopados anteriormente, como outra ‘flor’ fotografada xa no 2013 polo Curiosity, o equipo científico determinou que se trataba dunha composición de sulfatos, orixinalmente incrustada dentro dunha rocha que foi erosionada co paso do tempo. Estes grupos de minerais, non obstante, parecen ser resistentes a dita erosión.
O equipo científico utilizou o Mars Hand Lens Imager (Mahli) do rover para tomar estas imaxes en primeiro plano, revelando os minerais e as texturas das superficies rochosas. Esta cámara é a versión do rover do lente manual de aumento que os xeólogos adoitan levar ao campo. O enxeñeiro Kevin Gill foi o encargado de procesar as imaxes.
A Martian Flower 🌻. Imaged by @MarsCuriosity yesterday on Sol 3397 using MAHLI and ChemCam.https://t.co/DIPAVsnUvKhttps://t.co/iPCVDaGK15https://t.co/tCEfaKEvVr pic.twitter.com/6tkRV59Fpl
— Kevin M. Gill (@kevinmgill) February 25, 2022
Outro nome que reciben estes elementos son concrecións, que tamén foron captadas polo rover Opportunity no ano 2004. Nese caso, foron denominadas arandos pola súa forma. No modelo realizado polo estudante de enxeñería aeroespacial Simeon Schmauss poden observarse ambos achados de forma tridimensional.
A científica adxunta do proxecto Curiosity, Abigail Fraeman, aproximou o tamaño desta nova formación mineral atopada comparándoa cun penique.
(1/3) Your Friday moment of zen: A beautiful new microscopic image from @MarsCuriosity shows teeny, tiny delicate structures that formed by mineral precipitating from water.
(Penny approximately for scale added me)https://t.co/cs7t11BWAj pic.twitter.com/AU20LjY5pQ
— Abigail Fraeman (@abbyfrae) February 26, 2022
