Venres 29 Marzo 2024

Chegan as primeiras grandes nevadas do outono

A baixada das temperaturas e a fronte que entrou polo Atlántico obrigan a activar avisos de nivel amarelo e laranxa por neve e vento no mar

En gran parte de Galicia está sendo un día habitual de outono, frío e húmido, pero sen fenómenos extremos que obriguen a tomar demasiadas precaucións. Pero tanto na costa como nas montañas de Lugo e Ourense están activados sendos avisos amarelos e laranxas debido ao vento no mar e ás primeiras grandes nevaradas do outono.

As principais precipitacións en forma de folerpas caeron, como é habitual, en Ancares, Trevinca, O Courel e o Macizo Central ourensán, onde a neve caeu durante varias horas. Tamén na serra do Xurés, e mesmo de forma puntual na serra do Faro, entre Pontevedra e Lugo. Xa en forma de sarabia, producíronse algúns episodios localizados no norte das provincias da Coruña e Lugo.

Publicidade

Panorama dos cumios nevados desde o albergue dos Ancares, en Cervantes.
Panorama dos cumios nevados desde o albergue dos Ancares, en Cervantes.

As nevaradas caeron debido ás baixas temperaturas, que chegaron ata os -4,2 ºC en Xares (A Veiga), -3,3 ºC en Lardeira (Carballeda de Valdeorras), -2,5 ºC en Manzaneda, -1,8 ºC na estación de Ancares e -1,6 ºC no Cebreiro. Mañá prolongarase ata as 12 do mediodía o aviso amarelo nestas zonas por acumulacións superiores aos cinco centímetros.

No litoral, entre Corrubedo e Ribadeo o aviso será de nivel laranxa ata as 18 horas do venres, por ondas que poden superar os seis metros de e vento no mar do noroeste de forza 7. E dende Arousa ata A Guarda, o aviso é amarelo por ondas de ata cinco metros.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A borrasca Nelson activa a alerta en Galicia por chuvias, vento e temporal marítimo

A Semana Santa comeza con aviso laranxa por ondas de 7 metros en todo o litoral e amarelo por acumulación de chuvia de ata 40l/m2 en tan só 12 horas

Un río atmosférico empapa Semana Santa: Galicia poderá superar os 100 l/m² 

A situación de inestabilidade continuará durante a fin de semana, cando podería producirse unha cicloxénese explosiva no oeste da península

Galicia rexistra o cuarto inverno máis cálido en 60 anos

As precipitacións foron un 18% superiores ao habitual para este período, sendo especialmente abondosas en febreiro

Dúas potentes borrascas atlánticas deixarán un temporal de chuvia e neve

Unha sucesión de frontes activarán a alerta amarela este xoves por refachos superiores aos 80 km/h e ondas de ata 5 metros nas Rías Baixas e na Costa da Morte