A imaxe captada pola misión Mars Express mostra o que parece ser unha gran mancha de neve fresca e sen pisar. Pero lonxe de ser un paraíso invernal, trátase do cráter Korolev. Atópase en Marte e foi retratado pola misión espacial lanzada o 2 de xuño de 2003, chegando ao planeta vermello seis meses despois. Coincidindo co décimo quinto aniversario da posta en órbita do satélite e do comezo do programa científico, móstrase esta espectacular fotografía do cráter.
As imaxes que foron tomadas pola Cámara Estéreo de Alta Resolución (HRSC) de Mars Express son unha gran celebración deste fito. “A imaxe mostra unha vista do cráter Korolev que comprende cinco ‘franxas’ diferentes que se xuntaron para crear unha soa imaxe, con cada franxa recollida nunha órbita diferente”, explican dende a Axencia Espacial Europea (ESA, polas súas siglas en inglés). Engaden que o cráter “se mostra en perspectiva, contexto e vistas topográficas”, o que permite obter unha visión máis completa do terreo no seu interior e proximidades.
Unha pasada de imaxe, espectacular! Pero, “… o que parece ser una gran mancha de Hebe fresca …? Si non se sabe, estaría ben aclaralo. E si se lanzou en zulo de 2003, e chegou no 2004 o 15 aniversario sería aló po lo 2019. Supoño que entendín mal su en algún punto.