O Avó de Chavín non ten culpa de todo o que veu despois. Arredor do ano 1860, uns industriais desta zona plantaron unha árbore que acababa de chegar a Galicia desde as antípodas. Dicían que era moi boa para reter auga, e a aquela zona inundábase con frecuencia. Máis de seiscentos exemplares de eucalipto poboan hoxe en día este lugar, situado á beira dun río que, un pouco máis adiante, acolle a finais de agosto unha multitudinaria romaría.
No ano 2000, este enclave, que engloba unhas 3,2 hectáreas, foi declarado Monumento Natural pola súa maxestosidade. O Avó, incluído tamén no Catálogo de Árbores Senlleiras, mide máis de 70 metros de altura e ten un perímetro na base que supera os 10 metros. Precísanse varias persoas para rodealo.
Moi preto de aquí celébrase esta fin de semana un festival de música de sona internacional.
Sabedes onde estamos hoxe?
A resposta, nesta ligazón.
Terreos, e ligazón 😉
(moi fan dos vosos artigos en xeral)