Explicación: a brillante, fermosa e gran espiral Messier 106 domina esta vista cósmica. O amplo campo de vista telescópico de dous graos mira cara a ben entrenada constelación de Canes Venatici, preto do mango do Setestrelo. Coñecido tamen coma NGC 4258, M106 ten uns 80 000 anos luz de diámetro e está a uns 23,5 millóns de anos luz de distancia, o membro máis grande do grupo galáctico Canes II. Para ser unha galaxia afastada, a distancia de M106 é ben coñecida en parte porque pode medirse directamente monitorizando este destacado máser galáctico, ou emisión láser de microondas. Moi raro pero de aparición natural, a emisión máser está producida polas moléculas de auga das nubes moleculares que orbitan o seu núcleo galáctico activo. Outra galaxia espiral destacada da escena, que se ve case de canto, é NGC 4217 por baixo e á dereita de M106. A distancia ata NGC 4217 é moito menos coñecida, estimada nuns 60 millóns de anos luz.
