O fotógrafo viveirense Dani Caxete volve ter obra seleccionada entre as mellores imaxes do ano nos prestixiosos premios The World At Night (TWAN), que galardoan as fotos máis impactantes do mundo de noite.
Caxete, que actualmente reside en Madrid, está especializado en astrofotografía e paisaxe astronómica. E xa tivo éxito internacional noutra edición de The World at Night, cunha imaxe dos cantís de Loiba, preto de Ortigueira, e a Vía Láctea xunto ao que chaman o banco máis bonito do mundo.
Ademáis, Dani Caxete ten conseguido que varias das súas imaxes sexan elixidas pola NASA para a súa sección A Picture of the Day (APOD), que GCiencia publica en galego diariamente grazas ao astrofísico Dosi Veiga, que se encarga das traducións e comentarios destas fotografías.
Aquí podes ver a nosa recente entrevista en GCiencia con Dani Caxete.
