Luns 27 Maio 2024

O aceite de oliva virxe extra como tratamento da artrite

Un modelo experimental demostra que o consumo de aceite de oliva virxe extra ten resultados beneficiosos na prevención e tratamento da artrite reumatoide, xa que diminúe a inflamación das articulacións. O achado reforza a hipótese de usar este produto no tratamento desta patoloxía articular reducindo a aparición de efectos adversos provocados polos fármacos.

Os expertos sinalan que este tipo de aceite contén unha fracción polifenólica que favorece a diminución da inflamación das articulacións. Para alcanzar estas conclusións, o grupo de investigación Farmacoloxía Experimental e Farmacia Clínica da Universidade de Sevilla, dirixido pola catedrática de Farmacoloxía Catalina Alarcón de Lástraa, observou durante dous meses a evolución de dous grupos de animais, un alimentado con aceite de xirasol como fonte lipídica, e outro con aceite de oliva virxe extra.

Publicidade

A incidencia desta enfermidade articular é menor nos países mediterráneos

Tras o período de estudo, a inflamación das articulacións dos ratos alimentados con aceite de oliva virxe extra diminuíra considerablemente fronte aos que non o consumiron.

“Neste estudo observamos tanto a nivel macroscópico  como a nivel tisular como o aceite de oliva virxe extra, que se caracteriza polo seu alto contido en polifenoles, foi capaz de diminuír unha serie de mediadores e parámetros bioquímicos implicados nos procesos inflamatorios”, explica Mª Ángeles Rosillo, autora principal do traballo.

Estudos previos sinalan que a incidencia desta enfermidade articular é menor nos países mediterráneos, por iso, estas investigadoras queren agora dar un paso máis e extrapolar estes resultados a ensaios clínicos en colaboración co Hospital Universitario Virxe do Rocío de Sevilla.

“O consumo de aceite de oliva virxe extra prevén o desenvolvemento da artrite reumatoide experimental. O descubrimento desta acción beneficiosa do aceite de oliva virxe extra reforza a hipótese de utilizalo como estratexia preventiva e terapéutica no tratamento desta patoloxía articular podendo reducir a aparición de efectos adversos que acompañan á farmacoterapia clásica”, afirma a investigadora.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Identificado un dos factores polo que as mulleres teñen máis risco de lupus, artrite ou esclerose múltiple

O silenciamento dun dos cromosomas X, aínda que é necesario para a produción adecuada de proteínas, parece estar detrás das enfermidades autoinmunes

“Poñemos nome ás ondas de calor para crear conciencia e avisar do risco”

O físico ourensán José María Martín Olalla proba dende Sevilla un sistema piloto que clasifica e nomea as vagas segundo o seu impacto na saúde

Unha técnica logra combinar na mesma proba diagnóstico e tratamento para a artrite

Esta enfermidade caracterízase pola inflamación das articulacións, cunha prevalencia superior en persoas maiores e mulleres

Un equipo galego buscará tratamentos para a osteoartrite a través da nanotecnoloxía

O proxecto, coordinado dende o IDIS, espera desenvolver en tres anos novas terapias que restauren a función articular e non só alivien os síntomas