Martes 19 Marzo 2024

O Sol, máis preto ca nunca na foto con maior resolución xamais feita

O telescopio solar da National Science Foundation (NSF) consegue recoller detalles dun tamaño de 30 quilómetros na superficie da estrela

A exploración solar vive nestas últimas semanas unha sucesión de acontecementos ilusionantes para o mellor coñecemento da nosa estrela. Ademais do lanzamento da misión Solar Orbiter, previsto para o 8 de febreiro, unha imaxe percorre o planeta debido a que se trata da fotografía de maior resolución xamais feita no Sol.

Foi grazas ao telescopio solar Daniel K. Inouye, que desde a illa de Hawai conseguiu obter unha fotografía tomada a 789 nanómetros coas que se albiscan detalles de ata 30 quilómetros de tamaño no Sol, algo sen precedentes nun astro que está a máis de 150 millóns de quilómetros do dispositivo que as recolleu. Esta resolución é tres veces maior que calquera imaxe tomada anteriormente.

Publicidade

Representación da gran resolución acadada polo telescopio Inouye. Fonte: National Science Foundation.
Representación da gran resolución acadada polo telescopio Inouye. Fonte: National Science Foundation.

Os avances que acadará o telescopio Inouye nos vindeiros anos tampouco teñen precedentes. Segundo informou a National Science Foundation nun comunicado, “recollerá máis información sobre o Sol nos primeiros cinco anos da súa vida que todos os datos solares recollidos desde que Galileo apuntou por primeira vez cun telescopio cara ao Sol en 1612″.

A imaxe amosa un patrón de gas turbulento, como fervendo, que cobre a superficie solar. Cada unha das estruturas que se distinguen, e que se distribúen como unha rede de células, ten un tamaño parecido ao de Texas (695.662 km2, fronte aos 582.000 da península ibérica). Estas células son o sinal dos movementos violentos que transportan a calor desde o cerne do Sol ata a superficie.

O material solar máis quente, o plasma, elévase no centro das células, arrefría e logo afúndese baixo a superficie a través duns bordos máis escuros, nun proceso coñecido como convección. Nestes bordos tamén se albiscan os pequenos e brillantes marcadores dos campos magnéticos.

Nesta ligazón podes descargar a imaxe en maior resolución.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

00:05:02

Poñer a roupa ao clareo do Sol, funciona?

É unha técnica tradicional para branquear a roupa que seguimos empregando hoxe. A ciencia confirma a eficacia dos raios solares como o mellor desinfectante natural

A Lúa non ten ceo

https://theconversation.com/javascripts/lib/content_tracker_hook.js *Un artigo de “E se estivésemos equivocados? E se a Terra...

LIA (2), pioneiros galegos no desenvolvemento da intelixencia artificial na astronomía

O grupo da UDC recibiu o Premio Spin-Off PuntoGal na edición 2023 pola súa traxectoria de éxito

A NASA detecta un enorme burato no Sol

O Observatorio de Dinámica Solar capta un vídeo do fenómeno e prognostica unha tormenta xeomagnética nos vindeiros días