Xoves 28 Marzo 2024

Captan por primeira vez un oso panda albino

O exemplar foi localizado por unha cámara da reserva natural de Wolong, na provincia chinesa de Sichuan, un dos 'santuarios' do panda

Unha cámara de infravermello instalada na reserva natural de Wolong, na provincia chinesa de Sichuan, rexistrou a mediados de abril a que é a primeira imaxe dun oso panda (Ailuropoda melanoleuca) con albinismo. A fotografía foi publicada estes días polos responsables da reserva, onde residen unha importante parte dos exemplares desta especie en perigo de extinción.

O albinismo é unha condición xenética que tamén acontece noutras especies, como os humanos, que provoca a perda de pigmentación debido a un problema na ‘fabricación’ de melanina, a substancia que ‘colorea’ a pel ou a plumaxe dos animais.

Publicidade

“O panda parecía forte e os seus pasos eran constantes, un sinal de que a mutación xenética do albinismo posiblemente non dificultou a súa vida”, dixo á axencia estatal Xinhua o zoólogo Li Sheng, da Universidade de Pequín.

O exemplar, duns dous anos de idade, tiña a pelaxe totalmente blanca e os ollos parecían de cor vermella, segundo apuntou Sheng. A área onde se rexistrou o está a uns 2.000 metros de altitude. As autoridades explicaron que engadirán novas cámaras para aumentar o seguimento ao exemplar, pola súa importancia científica, xa que nunca se documentara ata agora un panda albino.

A Unión Internacional para a Conservación da Natureza (IUCN) estima que quedan menos de 2.000 pandas no mundo, localizados en provincias montañosas como Sichuan ou o territorio do Tibet.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Marcos Martinón, un galego entre guerreiros de terracota: “É incrible, pero non hai dous soldados iguais”

O arqueólogo ourensán investiga dende hai case 20 anos o espectacular mausoleo do primeiro emperador chinés, un xacemento con 2.000 anos de antigüidade

Así é ‘Mycoplasma’, a principal sospeitosa da pneumonía infantil en China

O microbiólogo Raúl Rivas fai un retrato robot da bacteria que probablemente contribuíu a disparar a incidencia de enfermidades respiratorias no xigante asiático

A misteriosa pneumonía infantil de China: “Sospeitamos dos patóxenos habituais”

O pediatra Federico Martinón cre que a repunta de enfermidades respiratorias en nenos se pode deber á fin das restricións covid

Unha misteriosa neumonía infantil enche os hospitais en China: isto é o que sabemos

A OMS solicita oficialmente ao xigante asiático información detallada sobre o aumento de enfermidades respitatorias nos nenos