Imaxes icónicas da historia de Galicia coloreadas con intelixencia artificial

Percorrido por dez imaxes representativas de comezos do século XX reformuladas coas capacidades das novas tecnoloxías

Emigración. Fotografía no porto da Coruña en 1957 | Manuel Ferrol

A intelixencia artificial é un deses campos que chama a atención polas súas infinitas implicacións en calquera eido do coñecemento ou da tecnoloxía actual. Grazas a ela, un software pode aprender a medida que realiza unha tarefa para facela moito mellor. E no campo de colorear fotos, unha tarefa artesanal até non fai moito, a intelixencia artificial e o deep learning teñen moito que dicir grazas á posibilidade de recoñecer patróns e tons de grises para convertelos a viva cor sen a intervención dun ser humano.

Porteadoras en Carnota, primeiro terzo do século XX | Ruth Matilda Anderson

A aprendizaxe profunda é unha tecnoloxía que imita a aprendizaxe humana ao alimentar a un computador con grandes cantidades de datos para ensinarlle a recoñecer e procesar imaxes como o faría un humano. Ao escanear innumerables fotografías, tanto en cor como en branco e negro, o ordenador aprende a recoñecer as características que indican como se debe colorear unha fotografía, e que logo utiliza para converter automaticamente as imaxes monocromáticas en cor.

Emigración. Fotografía no porto da Coruña en 1957 | Manuel Ferrol

Para aprenderlle isto aos primeiros sistemas informáticos, os investigadores utilizaron un total de aproximadamente 2,3 millóns de fotografías. Para lograr cores aínda máis precisas, a tecnoloxía tamén utiliza un método recentemente desenvolvido, que conecta a información recompilada da imaxe completa coas características aprendidas de partes máis pequenas da mesma.

Fervenza do río Ézaro, 1931 | Vía @galizahaiunséculo

Por exemplo, o sistema aprende da imaxe completa se mostra unha vista interior ou exterior, ou se foi tomada durante o día ou a noite, e avalía cada parte da imaxe para características tales como plantas, area, auga e outras similares. A combinación da información e as características adquiridas da imaxe completa e os seus compoñentes fai posible unha coloración natural.

Panorámica da cidade da Coruña en 1893 | Vía @galizahaiunséculo

Con todo, a facilidade para colorear unha fotografía depende do seu contido. Os obxectos como automóbiles, edificios e roupa, cuxa cor é imposible de adiviñar a partir dunha imaxe en branco e negro, son difíciles de colorear, mentres que cousas como a auga, as árbores ou follas, cuxos cores son xeralmente fixos, pódense colorear de maneira convincente.

Illa de San Simón vista dende Redondela | Vía @galizahaiunséculo

Ao complementar información como a data, o clima e a hora en que se tomou a foto, ou a cor dos edificios e a roupa, é posible colorear as imaxes de maneira máis realista e precisa. É por iso que tamén se realizan esforzos para restaurar fotografías e documentos do pasado ao agregar a restauración manual ao proceso de coloración automatizado.

Praza Maior de Lugo en 1906 | Vía @galizahaiunséculo
Banda de música en Lugo entre 1890 e 1900 | Salvador Castro Freire

O código fonte (a estrutura subxacente dun programa, escrito nunha linguaxe de programación) dos programas desenvolvidos polos investigadores están dispoñibles para o público de forma gratuíta en varios formatos.

Porto de Vigo con barcos a vapor en 1929 | Vía @galizahaiunséculo
A rúa Progreso de Ourense en 1911 | Pacheco

Ao agregar cor ás fotos en branco e negro, as escenas e persoas do pasado, antes imposibles de ver en cor, restáuranse vívidamente e, como resultado, resúltannos máis familiares.

Mariscadora en Carril, 1926 | Ruth Matilda Anderson

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.