A NASA difundiu esta semana a que é a imaxe con maior resolución tomada ata agora da superficie de Marte. A Curiosity, o vehículo co que a axencia estadounidense está explorando o planeta vermello, realizou un mosaico de máis de 1.000 imaxes que compoñen unha fotografía en 360º e 1,8 millóns de píxeles.
A fotografía, tomada durante seis horas e media en varios períodos entre o 24 de novembro e o 1 de decembro de 2019, retrata a rexión Glen Torridon, unha zona próxima ao monte Sharp. A través dunha ferramenta especial (que podes ver nesta ligazón), a imaxe permite achegarse e comprobar a resolución sen precedentes da toma. Ademais, o Jet Propulsion Laboratory difundiu un vídeo en 360º no que se pode ver toda a fotografía.
Publicidade
