As novas fotografías do James Webb amosan unha galaxia anana con maior precisión

O telescopio espacial da NASA consegue capturar con detalle a Wolf Lundmark Melotte, a tres millóns de anos luz da Terra

Galaxia WLM
A galaxia Wolf Lundmark Melotte capturada polo telescopio. Crédito: ESO

O telescopio James Webb da NASA, lanzado por vez primeira o 12 de xullo de 2022, continúa revelando novos descubrimentos e avances científicos. Desta volta, o programa James Webb Space Telescope Early Release Science (ERS), de entre as moitas áreas de investigación nas que se centra, abordou o estudo das poboacións estelares resoltas. Así, este instrumento óptico capturou unha nova galaxia anana, a Wolf Lundmark Melotte (WLM) que, anteriormente, xa fora fotografada polo telescopio espacial Spitzer, pero cuxas imaxes presentaban unha resolución moi limitada.

A WLM atópase, aproximadamente, a tres millóns de anos luz da Terra, de forma que, en termos astronómicos, está bastante próxima á Vía Láctea. Así mesmo, esta galaxia encóntrase relativamente illada, o que conduce os astrónomos a concluír que nunca antes interactuou con outros sistemas.

Kristen McQuinn, unha das principais científicas do programa Webb ERS, expón que o enfoque científico principal deste estudo é “aproveitar a experiencia previa desenvolvida con Spitzer, Hubble e outros telescopios espaciais para aprender máis sobre a historia da formación de estrelas nas galaxias”. Deste modo, a WLM é unha boa candidata para que os astrónomos proben as teorías de formación e evolución de galaxias.

Con todo, esta nova observación demostra que é posible unha vista moito máis profunda e detallada do espazo que permite diferenciar estrelas e características individuais.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.