Únete á nosa canle de Whatsapp
24 horas ao día, 7 días á semana dos 365 días ao ano. Nos máis de 30 que leva en órbita, o Telescopio Espacial Hubble, un dos observatorios espaciais máis lonxevos e valiosos da NASA, ten captado imaxes astronómicas transcendentais durante décadas. Isto significa que, sen dúbida, foi quen de fotografar algún fito cósmico cada un dos días do ano. Logo, tamén no aniversario de cada un de nós.
Para comprobalo, e con motivo das tres décadas de exploración espacial, a NASA habilitou a páxina What did Hubble See on Your Birthday?, na que é posíbel coñecer a imaxe da nosa data de celebración. Deste xeito, con só indicar o mes de nacemento e o día, o portal desvelará a fotografía máis significativa. Amais, a imaxe vén acompañada dunha breve información, que pode ser ampliada, sobre o ano de captación, a galaxia e o propio fenómeno retratado.
