Durante varias noites, o fotógrafo Sam Rowley, que se dedica a fotografar escenas da natureza, decidiu buscar un novo escenario para o seu traballo, no que retratar outro tipo de fauna que a moitos humanos lles resulta máis desagradable. Así, pasou varias noites percorrendo o a rede do metro de Londres, un lugar polo que pasan arredor de dous millóns de persoas cada día, e onde tamén viven outros seres moito máis pequenos, os ratos.
Nunha desas noites xurdiu, de súpeto, ese momento que adoita aparecer cando hai alguén cunha cámara e cargado de paciencia: dous ratos erguéronse para loitar por unha migalla de comida, e Sam Rowley capturou o instante. A fotografía valeulle o premio do público do Wildlife Photographer of the Year, un dos certames de natureza máis importantes do mundo, que convoca o Museo de Historia Natural de Londres. A fotografía dos ratos foi a gañadora dunha votación entre unha selección de 25 imaxes das máis de 48.000 que se presentaron ao certame.
O director do museo londinense, Sir Michael Dixon, dixo que “a imaxe de Sam achega unha mirada fascinante de como a vida salvaxe funciona nunha contorna dominada polo ser humano. O comportamento dos ratos está modelado pola nosa vida cotiá, o transporte que usamos e a comida que estragamos”.
We are delighted to announce that the winner of the @lumixuk #WPYpeopleschoice Award is @SamRowleyPhoto, with his photograph of mice fighting over food on a London Underground platform.
Find out more about the image and read Sam’s reaction: https://t.co/57T2OYcNhm pic.twitter.com/K4Sxhn2Sbm
— Wildlife Photographer of the Year (@NHM_WPY) February 12, 2020
As impactantes fotos gañadoras do Wildlife Photographer of the Year
