Chámase Lighthouse Map e é un mapa interactivo que mostra a ubicación de todos os faros do mundo. Distribuídos mediante círculos de cores, pódese apreciar como escintilean de maneira diferente en función do alcance da súa luz. Están perfectamente distribuídos conforme á realidade, nunha plataforma de acceso aberto para poder descubrir cales son os xigantes que iluminan os mares. Os faros que se ven neste mapa diferéncianse uns doutros polos escintileos rápidos e curtos repartidos polas costas, que permiten imaxinar o traballo que realizan para guiar os mariñeiros. Estas características de luces, segundo explica o xeográfo Víctor Bouzas Blanco na revista TYS Magazine, rexístranse empregando as etiquetas ‘marca: luz: secuencia’.
O mapa é unha creación de Geodienst, un grupo experto da Universidade de Groningen (Países Baixos) que utiliza datos de OpenStreetMap. Sorprende que de onde hai máis información é das costas de Noruega e, tamén, a cantidade de faros que existen en Europa en comparación con outras partes do mundo. Dunha ollada, un pode facerse unha idea da distancia desde onde os barcos poden ver estas sinais imprescindibles para a navegación. Como non podería ser doutra maneira, a distribución dos faros polo litoral galego é abundante. É unha ferramenta moi útil para todos aqueles aficionados do mar.
