Luns 4 Marzo 2024

O cometa Nishimura, eclipse de Lúa e chuvia de estrelas: a guía astronómica do que resta de ano

Entre os próximos fenómenos atópase a última superlúa de 2023, que acadará o seu esplendor o 29 de setembro

O calendario astronómico de 2023 está cheo de acontecementos. Aínda que pouco resta para despedir o verán, o outono sen dúbida será moi prolífico neste ámbito e, se os ceos o permiten, poderemos ver unha gran cantidade de fenómenos. Aínda que poidamos pensar que as chuvias de estrelas remataron coas Perseidas de agosto, nada máis lexos: agárdannos as Xemínidas de decembro. Pero antes diso e nos vindeiras días, será visible o cometa Nishimura, concretamente o 17 de setembro.

Dende o Observatorio Astronómico María Ramón Aller explican que o cometa Nishimura alcanzará o seu brillo máximo estes días, pero é probable que sexa difícil de ver porque estará moi preto do Sol. A súa luz enmascarao. O corpo celeste foi descuberto o 11 de agosto en Xapón a través dunha cámara dixital. Dende a Terra contemplarase como unha estrela con cola. Cando se aproxime ao Sol, a uns 32 millóns de quilómetros, non volveremos a velo máis. Aínda que poida ser difícil observalo, podemos intentalo cun telescopio, cámaras de fotografía ou binoculares.

Publicidade

A última superlúa do ano: 29 de setembro

A superlúa é un fenómeno descrito por primeira vez polo astrónomo Richar Nolle e ocorre catro veces ao ano. Durante o 2023 tivo lugar o 3 de xullo, 1 de agosto, 31 de agosto e proximamente, o 29 de setembro. Nestes momentos, estamos ante a última Lúa xigante, e non podemos perder ocasión de contemplala. O satélite poderá verse moito máis grande e brillante. Coñécese como a Lúa da colleita, explica a NASA, porque coincide coa tempada na que os antigos poboadores nativos do hemisferio norte recollían os alimentos das súas plantacións.

Unha superlúa alcanza o seu punto máis preto do planeta, o que provoca que sexa un 7% máis grande e un 15% máis brillante.

Eclipse de Lúa parcial: 28 de outubro

Como explica o Instituto Xeográfico Nacional de España na súa axenda astronómica, a eclipse parcial de Lúa será o 28 de outubro e será visible en España. Os astrónomos do observatorio de Santiago apuntan que o mellor momento para vela son entre as 21:30 e as 22:52 horas. Non fai falla ningún aparello para contemplalo, xa que será visible a simple vista e non supón ningún perigo para os ollos. Neste caso, unha parte da Lúa vaise escurecer. Concretamente acadará a súa magnitude ás 22:14 horas.

As Xemínidas: do 4 ao 20 de decembro

Se pensabas que as Perseidas eran a última chuvia de estrelas do ano, sorprenderache saber que en decembro alumearán os ceos as Xemínidas. É un fenómeno que ocorre cada ano e que está provocado polo asteroide Faetón. É a chuvia de estrelas máis forte e dende o observatorio de Santiago sinalan que serán visibles do 4 ao 20 de decembro, acadando o máximo do 14 ao 15. Un dos inconvenientes que nos podemos atopar para velas é o tempo, xa que a poucos días de comezar o inverno, aumenta a probabilidade de que os ceos estean cubertos.

Tanto para contemplar unha chuvia de estrelas ou un cometa, hai que elixir un lugar axeitado, evitando a contaminación lumínica. Canto máis escura sexa a nosa ubicación, mellor. O recomendable é tombarse no chan para adquirir a imaxe máis ampla posible do ceo. Antes de iniciar a observación, débese acomodar a vista á escuridade como mínimo 15 minutos antes. No caso de que esteamos durante un longo tempo contemplando o ceo, é conveniente recolonarnos, xa que o ceo xira. Segundo apuntan os expertos, a mellor maneira é situándonos a máxima altura sobre o horizonte. E a continuación, desfrutar das vistas.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

LIA (2), pioneiros galegos no desenvolvemento da intelixencia artificial na astronomía

O grupo da UDC recibiu o Premio Spin-Off PuntoGal na edición 2023 pola súa traxectoria de éxito

Esta é a desconcertarte orixe das Xemínidas, a maior chuvia de meteoros do ano

A descomposición térmica do asteroide Faetón está detrás deste espectacular fenómeno, que se poderá observar entre o 13 e o 14 de decembro

O tempo estable e a fase escura da Lúa permitirán ver as Xemínidas nunha ocasión única en Galicia

É un dos fenómenos astronómicos máis esperados do ano. O seu máximo esplendor terá lugar na madrugada do 14 ao 15 de decembro

Un novo exoplaneta desafía as teorías clásicas de formación planetaria

Un equipo de astronónomos descobre LHS 3154b, cunha masa similar a Neptuno, orbitando preto dunha estrela anana de moi baixa masa