Mércores 28 Febreiro 2024

Esta é a primeira imaxe do telescopio James Webb

A foto retrata o cúmulo de galaxias SMACS 0723 e a NASA descríbea como "a visión máis detallada e nítida do universo primitivo"

O James Webb é o telescopio máis potente xamais creado. O seu obxectivo é coñecer as primeiras galaxias que se formaron despois do Big Bang, así como explorar a atmosfera de exoplanetas. Lanzouse a finais de 2021 despois de varios aprazamentos e agora, seis meses despois, mostra os resultados da súa fascinante viaxe: a primeira fotografía a toda cor. Segundo a NASA, é “a visión máis detallada do universo primitivo”, sendo a imaxe “máis profunda e nítida” ata o de agora. Nela aparece un cúmulo de galaxias denominado SMACS 0723 “tal e como apareceu hai 4.600 millóns de anos”. Un dos aparellos do Webb, a cámara NIRCam, permitiu enfocar con nitidez estas galaxias afastadas, que presentan estruturas diminutas e débiles que nunca antes se viran, como cúmulos estelares e trazos difusos.

Agora, os investigadores pronto comezarán a saber máis sobre as masas, idades, historias e composicións das primeiras galaxias do universo. Esta é a primeira imaxe a toda cor do James Webb, que xa fixo historia. Foi o presidente dos Estados Unidos, Joe Biden, quen fixo pública a imaxe onte pola noite nun acto celebrado na Casa Branca. O conxunto completo de imaxes darase a coñecer hoxe, 12 de xullo, nunha transmisión en vivo da NASA

Publicidade

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Seis imaxes que cambiaron a historia da ciencia

https://theconversation.com/javascripts/lib/content_tracker_hook.js *Un artigo de O ser humano empregou primeiro o debuxo e...

Envía o teu nome a Xúpiter nunha misión espacial da NASA

Dende a axencia lanzarán unha botella que leva tamén un poema da escritora estadounidense Ada Limón

O galego aos mandos da dinámica orbital da NASA: “O espazo parecíame ciencia ficción”

Andrés Dono entrou na administración espacial americana con 24 anos para facer unhas prácticas. Unha década despois lidera o equipo que deseña a traxectoria dos satélites

Begoña Vila: “Atoparemos probabilidades de vida noutro planeta”

Co gallo do décimo aniversario de Gciencia, a astrofísica da NASA analiza a divulgación dos achados cósmicos e a busca de vida intelixente