Esta é a imaxe máis grande do mundo. A maior panorámica xamais publicada. E o retratista é o telescopio espacial Hubble, que leva tres décadas agasallándonos con perspectivas espectaculares do noso universo. E agora volve sorprendernos.
Este mosaico de imaxes de campo profundo que se acaba de lanzar, amosa 265.000 galaxias e nos permite viaxar no tempo. Porque esos puntos brancos que vemos son de milleiros de millóns de anos. Son os que tardou a luz en chegar ata o noso gran telescopio espacial.
É probable que esta marabilla non pareza moito, pero é un enorme tramo do ceo. Se queres velo en todo o seu esplendor, podes ver este vídeo que explica as dimensións da imaxe:
Esta imaxe, chamada Hubble Legacy Field, foi descrita polo equipo como un “corredor do tempo” que nos amosa as galaxias tal como eran fai 13.300 millóns de anos, ata o momento no que o universo tiña apenas 500 millóns de anos.
A imaxe creouse utilizando 16 anos de imaxes de campo profundo anteriores, incluído o campo ultra profundo do Hubble. O retrato é un mosaico de case 7,.00 exposicións, e como se mostra na seguinte imaxe, cobre case o ancho da lúa chea.
A imaxe resultante ten 30 veces máis galaxias que o campo ultra profundo, e é o “libro de historia” máis completo de galaxias nunha soa imaxe.
En 2016, a NASA estendeu o programa de operacións do Hubble ata polo menos xuño de 2021. Nesta etapa, con todo, non sabemos canto tempo imos conservar en activo o gran telescopio espacial, especialmente despois dalgúns fallos recentes no sistema. Pero con esta imaxe volve amosar o seu poderío, convertido nunha das máis grandes marabillas endexamais creadas polo ser humano.