Imaxe da eclipse penumbral de xaneiro deste ano. Foto: H. Raab / CC BY-SA 2,0.

Eclipse penumbral de lúa: o fuxidío fenómeno que poderás ver esta noite

O satélite, que asomará polo horizonte pasadas as 22 horas, transcorrerá durante varias horas pola zona de penumbra que a Terra proxecta coa luz do Sol

Se nesta noite, pouco despois das 22 horas, observas como sae a lúa polo sueste, é posible que notes algo raro na súa cor. Débese a unha eclipse penumbral de Lúa, un fenómeno que ten lugar cando a Terra se interpón entre o Sol e o satélite, e este último pasa pola zona na que a luz solar, por efecto da atmosfera da Terra, oscurécese e mesmo pode tomar un ton avermellado, dependendo das propias condicións da atmosfera.

En Galicia será difícil observalo con claridade, pero é posible que se albisque un ton máis escuro no bordo da Lúa. Segundo informa o Instituto Geográfico Nacional, a eclipse iniciarase sobre as 19.48 horas, e finalizará sobre as 23.04, polo que no noroeste da península ibérica, onde a Lúa sairá polo horizonte pasadas as 22 horas, só será posible observar a súa fase final.

Esquema da eclipse penumbral e mapa de visibilidade. Fonte: IGN.
Esquema da eclipse penumbral e mapa de visibilidade. Fonte: IGN.

Como adoita acontecer con este fenómeno, desde algúns medios bautizouse este feito como Lúa de amorodo, ao coincidir co momento da colleita do froito e ao tomar o satélite, nalgúns casos, a cor avermellada.

A diferenza das eclipses totais ou parciais, nas que a Lúa desaparece por completo, ou en parte, por mor da sombra proxectada pola Terra, a eclipse penumbral non ocultará o satélite, pero poderase observar un lixeiro escurecemento, máis sinxelo de ver mediante prismáticos ou un telescopio.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.