É un acontecemento inédito na vida do polbo, principalmente, porque estes animais mariños só se reproducen unha vez. Ademais, este evento cústalles a propia vida: a reprodución remata o ciclo vital do polbo e as femias morren despois de coidar os ovos. O vídeo foi tomado no Aquarium Finisterrae, concretamente na sala Maremagnum. No vídeo vese como o macho utiliza un dos seus tentáculos para depositar as súas células reprodutoras na femia.
Nun artigo publicado en The Conversation polos científicos do Instituto Español de Oceanografía (IEO) Eduardo Almansa e Catalina Perales, fálase sobre este “suicidio programado” dos polbos tanto nos machos coma nas femias. É algo común nos cefalópodos. A maduración sexual nestes animais atópanse nunha parte do cerebro chamada glándula óptica, que ten que ver tamén co crecemento do animal, as reservas corporais e a tempertura, o que lles permite elixir o momento idóneo para depositar os ovos. Cando o fan, as nais deixan de alimentarse e morren por inanición e os machos, cando cumpren un ano ou ano e medio, tamén deixan de alimentarse.