Únete á nosa canle de Whatsapp
O fotógrafo viveirense Dani Caxete recibiu un novo recoñecemento pola súa espectacular imaxe da lúa tomada na serra de Madrid. Despois que a NASA escollera hai uns meses esta imaxe como a foto do día e de ser seleccionada no certame TWAN, o premio chega agora da prestixiosa institución Royal Museums Greenwich, que engloba aos catro museos situados neste municipio londinense. Caxete foi escollido, por quinto ano consecutivo, entre os finalistas do Astronomy Photographer of the Year, na categoría de “Xente e Espacio”.
No seu blog, Caxete relata o proceso de realización desta imaxe, na que contou coa colaboración dun compañeiro. Tivo que realizala sen trípode, porque o esqueceu na casa, así que se apoiou no petril da estrada, a poucos centímetros dos vehículos que transitaban pola zona. Pola súa parte, o xurado cualificou a imaxe de “impresionante”, a medio camiño entre “un filme de Hollywood e unha novela gótica”. Engaden que “a silueta do amigo do fotógrafo toma a forma dun extraterrestre chamando a casa ou dun home lobo ouveando”. Medios como a BBC ou The Guardian recollen a foto do galego nas súas galerías.
Moitas gracias GCiencia pola mención e a divulgación de noticias que, como esta, non suelen aparecer nos medios de comunicación do noso país.