O astronauta Matthias Maurer da Axencia Espacial Europea (ESA) capturou unha vista nocturna da cidade da Coruña o 27 de xaneiro deste ano dende a Estación Espacial Internacional. O autor da fotografía, que tamén capturou imaxes de Barcelona, Palma de Mallorca, Zaragoza ou Madrid, publicounas nas súas redes sociais baixo o título de España de noite, un voo nocturno sobre a Península Ibérica.
Comenzamos el #Lunes con esta imagen de A Coruña de noche desde la Estación Espacial Internacional.
La imagen es del astronauta de la @esa @astro_matthias y la ha realizado durante su misión #CosmicKiss.https://t.co/CyH49kzbsa pic.twitter.com/CH1pHhpgep
— ESA España (@esa_es) January 31, 2022
A Estación Espacial Internacional viaxa tan rápido que pode cruzar un país enteiro en poucos minutos. Matthias Maurer fixo as fotografías durante a súa primeira misión para a ESA, chamada Cosmic Kiss, na que apoiará máis de 35 experimentos europeos a bordo. Os resultados destes experimentos poderán xerar novos coñecementos en diversas áreas, dende a saúde humana ata a ciencia dos materiais.
