China tamén quere vivir en Marte os seus ‘7 minutos de terror’, como é coñecido o lapso de tempo no que unha nave tenta aterrar no planeta Marte sen ter comunicación en directo coa Terra, pola enorme distancia entre ambos planetas e a demora na chegada das comunicacións. Pero o xigante asiático está a piques de tentar a súa primeira aterraxe en Marte , unha fazaña lograda con éxito por só a metade das naves espaciais que o tentaron.
Tianwen-1, como se chama a misión, significa “preguntas ao ceo”. O seu obxectivo é ser a primeira misión a Marte en enviar unha nave espacial á órbita do planeta, deixar caer unha plataforma de aterraxe na superficie marciana e despregar un rover, todo nunha soa expedición.
Os primeiros pasos están completos. A misión lanzouse en xullo de 2020 e a nave espacial está en órbita arredor de Marte dende febreiro. Agora o orbitador está a prepararse para lanzar unha cápsula que transporta o módulo de aterraxe e o rover.
Debe caer en picado a través da atmosfera marciana e despregar un paracaídas, logo soltar o módulo de aterraxe, que debería disparar propulsores orientados cara abaixo para descender á superficie marciana. Se todo vai ben, o módulo de aterraxe Tianwen-1 logo despregará unha rampla de dúas vías para que o rover de seis rodas rode cara a chan marciano.
O intento de aterraxe está programado para este venres ás 23:11 pm UTC (Hora Universal Coordinada, dúas horas máis en España, xa na madrugada do sábado). A Administración Nacional do Espazo de China ( CNSA) non confirmou este momento, pero dixo anteriormente que tentaría a aterraxe, “a parte máis desafiante da misión”, en maio.
Seems we have an official announcement of Zhurong’s landing on May 14th, 23:11 UTC. Mars’ footprint is shown in the image. Communication before would be handled by Zapala ground station in Argentina. At landing time Mars is low at Jiamusi and at Zapala.https://t.co/fNRz2q26bg pic.twitter.com/frCghS7VU7
— Edgar Kaiser (@df2mz) May 13, 2021
Se o módulo Tianwen-1 aterra con seguridade en chan marciano, sería a primeira aterraxe en Marte que non é da NASA desde que o rover da Unión Soviética aterrou en 1971. O éxito convertería a China na terceira nación en aterrar en Marte.
O lugar de aterraxe prevista está en Utopia Planitia, un vasto campo de rocha volcánica antiga que pode ter grandes reservas de xeo de auga debaixo da súa superficie. Se as axencias espaciais como a NASA algún día envían humanos a Marte, a auga sería un recurso crucial porque pode soster aos astronautas e descompoñerse en hidróxeno e osíxeno como combustible para foguetes.
É pouco probable que as naves espaciais con destino a Marte poidan transportar suficiente auga, osíxeno e hidróxeno para toda a viaxe de ida e volta.
