Tras unha primavera especialmente fría e con moita chuvia, a vindeira semana chegará a Galicia unha onda de calor, coa entrada dunha masa de aire africano. As temperaturas estárán por riba dos 30 graos nas máximas en todo o territorio.
O anticiclón vaise situar ao norte da península e desde aí desprazará aire africano. Entre o luns e o venres, o mercurio podería ascender ata os 36 graos en Ourense e os 29 na Coruña. O vindeiro xoves, coincidindo co primeiro día de verán, as temperaturas máximas van superar os 28 graos de forma xeralizada e as mínimas non baixarán dos 17 graos no sur do país.
Publicidade
