As cifras fan tremer. A onda de incendios que está a afectar a Galicia dende o 14 de xullo deixa un longo camiño de destrución ao seu paso. Os últimos datos xa apuntan a 30.000 hectáreas arrasadas, o que supón un novo récord histórico. Os lumes que máis preocupan nestes momentos son o do Courel e o de Valdeorras. Cada un deles destruíu 10.000 hectáreas. De feito, a devastación que deixa tras de si o lume é de tal magnitude que se pode ver dende o espazo. As imaxes de satélite do Sistema de Observación da NASA (EOSDIS) así o confirman. A captura mostra claramente os penachos de fume producidos polos incendios.
Así se ven os incendios que asolan Galicia dende o espazo
O Sistema de Observación da NASA mostra claramente os penachos de fume que provocan os lumes do Courel e Valdeorras
