Un total de 95 incendios forestais, seguen activos en Asturias. As chamas provocaron o desaloxo de case 400 persoas, o peche de oito colexios e cortes en estradas. Os fortes ventos dificultan as tarefas de extinción das lapas, que tamén afectan a Cantabria, onde permanece activos ao redor de 30 focos.
O desastre é perfectamente perceptible desde o espazo. O satélite Copernicus difundiu unha imaxe nas que se observan as columnas de fume deses lumes, que sobre todo se concentran no oriente do Principado.
As condicións meteorolóxicas, con fortes refachos de vento e altas temperaturas dificultaron a extinción dos incendios, e os esforzos centráronse na protección da poboación e os bens locais, aínda que a situación mellorou nas últimas horas.
As nubes de fume xeradas polos incendios ao sueste de Xixón son visibles na imaxe tomada por un dos satélites Copernicus Sentinel-2 o 30 de marzo de 2023. Os datos abertos permiten monitorear e mapear o impacto dos incendios forestais en todo o mundo
