O biólogo mariño Jorge Urcera captura unha fantástica imaxe dunha cría de polbo nas profundidades das illas Cíes. O investigador do CSIC consegue retratar o individuo tratando de imitar as algas con dous dos seus tentáculos cara a arriba co obxectivo de camuflarse. As condicións xeográficas e oceanográficas das illas —con altos niveis de nutrientes— derivan nunha elevada produtividade que se traduce nunha enorme biodiversidade mariña. Isto fai que se formen poboacións estables ou mesmo que as súas augas sirvan como camiño de paso.
Ademais dos polbos, os cetáceos forman parte da fauna mariña habitual das Cíes. O enclave tamén conta con especies autóctonas únicas no mundo e outras cuxa principal poboación reside alí. As illas supoñen un punto de cría fundamental para especies en perigo como a gaivota patiamarela, o corvo mariño cristado, o cabaliño de mar ou a bolboreta arlequín.
