O programa europeo Copernicus mostra a través de imaxes de satélite as graves inundacións que sufriu Valencia a causa dunha DINA catastrófica que causou a morte de máis de 200 persoas. As fotos retratan a a provincia o 31 de outubro ás 19.02 horas. Na composición aparece unha lenda a dúas cores: en azul están marcadas as zonas directamente afectadas polas inundacións; en verde claro, aquelas alcanzadas pola auga e que recibiron “trazos residuais” dos anegamentos. Segundo datos de Copernicus, 53.000 hectáreas, 190.000 persoas e 3.200 quilómetros de estradas víronse afectadas.
As inundacións comezaron o 29 de outubro. Provocaron unha “devastación xeneralizada e a tráxica perda” de vidas humanas. Debido ás dimensións do desastre, Copernicus activou o Servizo de Xestión de Emerxencias (CEMS) para proporcionar unha avaliación o máis completa posible a vista de satélite do alcance dos anegamentos nas áreas afectadas.
Non ter en conta os pasos normais de agua, edificando neles foron a causa principal