Únete á nosa canle de Whatsapp
A publicación anual das imaxes finalistas do concurso Comedy Wildlife é unha boa razón para sacar un sorriso. O certame, creado no ano 2015 por un grupo de fotógrafos e conservacionistas, foise facendo pouco a pouco un oco nas redes e entre os afeccionados á fotografía en todo o mundo, recibindo miles de propostas cada ano.
Segundo os seus impulsores, o obxectivo de Comedy Wildlife é “ampliar o coñecemento e o compromiso coa conservación da natureza en todo o mundo”. Deste xeito, unha parte dos beneficios recadados na organización do certame van destinados a proxectos de protección de especies en perigo de extinción.
Nesta semana, a organización fixo públicas as 42 imaxes finalistas deste ano, e que podes ver baixo estas liñas. O vindeiro 22 de outubro anunciaranse os gañadores. E unha das categorías é a da foto preferida polo público, pola cal se pode votar ata o vindeiro 12 de outubro. Así que se queres escoller unha despois de velas todas, podes votar nesta ligazón.
E aquí podes velas a un tamaño maior.
