Unha imaxe vale máis ca mil palabras. Incluso cando falamos de ciencia. Xusto por iso non hai mellor maneira de despedir o ano que botándolle unha ollada ás mellores fotografías científicas. O concurso FOTCIENCIA, impulsado polo CSIC e a Fundación Española para a Ciencia e a Tecnoloxía (FECYT) en colaboración coa Fundación Jesús Sierra do Grupo Catalana Occidente, acaba de anunciar as imaxes gañadoras. O seu principal obxectivo: achegar a ciencia á sociedade a través da fotografía.
Máis alá das súas modalidades de participación habituais —Micro, Xeral, Alimentación e nutrición, Agricultura sustentable e A Ciencia na Aula— sumouse unha categoría especial: unha na que se reflicta a importancia da ciencia e da tecnoloxía fronte á Covid-19. Así, os transistores en forma de xeroglífico, un volcán de cores creado por un singular organismo coñecido como “ovas de salmón” ou a intrincada rede de nanofibras dunha máscara FFP2 con algúns dos temas retratados.
Todas as fotografías e textos seleccionados, xunto a outras propostas, incluiranse nun catálogo e formarán parte dunha exposición itinerante que será inaugurada na primavera de 2022. Todas estas imaxes percorrerán museos e centros culturais, educativos e de investigación de toda España ao longo do ano. Cunha soa idea: que a fotografía e a ciencia continúen a camiñar da man no vindeiro 2022.
