Un día despois da explosión da pirotecnia de Tui, que provocou un tremor que se sentiu en todo o sur da provincia de Pontevedra e na zona fronteiriza de Portugal, as testemuñas e as imaxes dos danos causados polo suceso non deixan de abraiar. Un dron da Axencia Galega de Emerxencias voou sobre a zona dos feitos, e coas imaxes que tomou, é posible albiscar os enormes danos causados na parroquia de Paramos, ao comparalos coas capturas previas do satélite.
