Un equipo internacional de investigadores descubriu novos xéneros e especies de bivalvos xurásicos en Asturias. O traballo amosa que as ameixas coexistiron cos dinosauros nos mesmos hábitats e foron pisadas por estes grandes réptiles. Os nomes elixidos para elas renden homenaxe a localidades costeiras asturianas.
Segundo os científicos do traballo, as pegadas de saurópodos (antigos herbívoros cadrúpedos) que desprazan as ameixas no xacemento desvelan que os moluscos foron pisados por estes réptiles.
O descubrimento destas novas especies e xéneros da orde Unionida representa a primeira aparición deste grupo en España no Xurásico, xa que nunca antes se descubrira, e amplía a distribución paleogeográfica das familias Margaritiferidae e Unionidae en Europa.
