Foi elixida como a mellor imaxe científica do ano 2019 polo certame Fotciencia. E os seus autores son Lucía Sánchez e Miquel Planas, do Instituto de Investigacións Mariñas-CSIC de Vigo. O protagonista é un cabaliño de mar de 21 días da especie Hippocampus reidi, que vive en augas subtropicais do Atlántico occidental.
A Fundación Española para a Ciencia e a Tecnoloxía (Fecyt) e o CSIC eran os organizadores do certame, que premiou esta composición viguesa, titulada “A luz cámbiao todo” como a gañadora da modalidade xeral, que está remunerada con 1.500 euros.
Lucía Sánchez é responsable do servizo de microscopía óptica e análise de imaxe do IIM, mentres que Miquel Planas dirixe o grupo de Bioloxía e Fisioloxía Larvaria de Peces. O seu equipo logrou por primeira vez a reprodución en catividade do Hippocampus guttulatus e estudou as diferentes especies de signátidos no Parque Nacional Illas Atlánticas.
A imaxe gañadora é unha composición de catro fotografas tomadas con diferentes tipos de luz que revelan as particularidades desta singular familia de peces.
