Un astronauta a bordo da Estación Espacial Internacional tomou esta fotografía da brillante e colorida Laguna Colorada, nos Andes bolivianos, favorecida pola ausencia de néboa atmosférica na altura de 4.300 metros sobre o nivel do mar en que se encontra a lagoa. A forte cor avermellada débese ás algas que crecen na auga salgada. En ocasións, o lago ten fases verdes debido á proliferación de algas de cores diferentes, que oscilan segundo a salinidade e a temperatura da auga. Ao evaporarse esta polo forte calor do deserto, convértese en solución salina. A lagoa, de 10 quilómetros nos seus extremos máis distantes, foi maior no pasado, e é o centro dunha reserva natural. Volcáns nevados aparecen no centro superior e na parte inferior esquerda da imaxe. Os camiños de acceso en tres lados do lago son utilizados polos turistas para visitar estas paisaxes doutro mundo, segundo explica aNASA nun a súa web Earth Observatory.
Utilizamos cookies para asegurar que damos a mellor experiencia ao usuario no noso sitio web. Se continúa utilizando este sitio asumiremos que está de acordo.Estou de acordoNonPolítica de Privacidade
