Apolo 10 foi a misión clave para o éxito da Apolo 11, a que levou a Neil Armstrong a pisar a Lúa en 1969. Dous meses antes da primeira aluaxe humana, outra cápsula da NASA achegouse ao noso satélite ensaiando todas as operacións, pero sen completar a misión. Foi o ensaio xeral do ‘gran paso para a Humanidade ‘.
O Apolo 10 levaba un módulo de mando, alcumado ‘Charlie Brown ‘ e un módulo lunar denominado ‘Snoopy ‘, porque ía cheirar a superficie da Lúa dende unha órbita próxima. Completado o ensaio, Charlie volveu a casa cos astronautas a bordo, pero Snoopy quedou abandonado no cosmos. O módulo lunar foi lanzado a unha órbita arredor do Sol. É a única nave espacial da NASA que nunca volveu ser localizada.
Publicidade
Como unha agulla nun palleiro cósmico, as probabilidades de detectar a cápsula eran aproximadamente de 235 millóns a unha . Pero cincuenta anos despois, no aniversario da misión Apollo 11, os astrónomos están “convencidos ao 98 por cento” de que conseguiron atopar a Snoopy.
Un equipo dirixido polo astrónomo afeccionado Nick Howes , que é membro da Royal Astronomical Society, leva dende 2011 á procura do módulo lunar perdido. Ao longo das décadas, os movementos de Snoopy víronse influenciados pola gravidade do Sol, da Terra e da Lúa. Así que os astrónomos, voluntarios e estudantes tiveron que peneirar incontables terabytes de datos de telescopios nun vasto campo de procura.
O módulo lunar da Apolo 10 sepárase do módulo de mando. Mesmo agora, despois de todo este traballo, Howes e os seus colegas non poden dicir con certeza se o obxecto que identificaron é realmente a cápsula perdida da NASA . Aínda que esta vez, as probabilidades parecen estar ao seu favor. “Ata que alguén se achegue moito e obteña un perfil de radar detallado, non podemos estar seguros”, dixo Howes aos asistentes ao Festival de Ciencia de Cheltenham no Reino Unido: “Sería un logro realmente fantástico para a ciencia”.
A próxima data para o achegamento máis próximo de Snoopy á Terra será dentro de 18 anos, di Howe, quen fantasea coa posibilidade de recuperar a cápsula: “Como me dixo Eugene Cernan , membro da tripulación do Apolo 10: ‘Fillo, se atopas iso e consegues atrapalo, imaxina as colas no museo Smithsonian!”.
Howe xa comentou en Twitter as dificultades para atrapar e traer de volta a Snoopy a casa. Pero o feito de telo atopado xa é un fito astronómico. Agora mesmo, están ao 98 por cento seguros… e tardaremos 18 anos en comprobar se acertaron co módulo lunar do Apolo 10.
