Xoves 28 Marzo 2024

O nivel de alerta Covid-19 no teu concello: estes son os primeiros datos públicos

A Consellería de Sanidade fixo público este venres un mapa municipal dos positivos detectados e outros indicadores da pandemia

Case sete meses despois da declaración do estado de alarma por mor da pandemia da Covid-19, a Consellería de Sanidade fixo público este vernes o panorama municipal de casos detectados nos últimos sete e 14 días. Tal e como avanzara esta semana a Xunta, despois das reiteradas peticións dos gobernos locais, establécense catro “niveis de alerta”, en función da situación nos municipios agrupados en dúas categorías, os de máis de 50.000 habitantes (as sete cidades) e os de menos de 50.000 (os 307 concellos restantes).

Como se pode ver baixo estas liñas, 10 concellos están no nivel tres de alerta ao superar os criterios marcados polo comité clínico: máis de 21 casos ou unha incidencia superior aos 112 casos/100.000 habitantes no referente ás cidades. Trátase de Ourense, Barbadás, O Barco de Valdeorras, Ames, Marín, Vilagarcía de Arousa, Verín, O Pereiro de Aguiar e Monterrei, nestes últimos casos debido a brotes en residencias de maiores. Este venres á mañá, Sanidade anunciou a intervención da residencia Os Gozos do Pereiro de Aguiar, da Fundación San Rosendo, despois dos positivos de 112 residentes e 25 profesionais.

Publicidade

Alén disto, outros oito concellos sitúanse no nivel 2 (Lugo, Santiago de Compostela, Teo, Xinzo de Limia, Ribeira, Arteixo, A Coruña e Culleredo), e outros 24 están en nivel 1. O resto, 270 concellos, mantéñense no nivel 0, con menos de sete casos diarios ou, no caso da cidade de Ferrol, cunha incidencia menor a 28 casos por cada 100.000 habitantes.

Últimos 14 días

A situación é, a grandes trazos, moi semellante ao remontarse a dúas semanas antes deste venres. Mantéñense no nivel 3 os municipios de Ames, O Barco de Valdeorras, O Carballiño, Verín, Monterrei, O Pereiro de Aguiar, Barbadás e Ourense. No 2 están Lugo, A Coruña, Arteixo, Cambre, Oleiros, Santiago de Compostela, Boiro, Pontevedra, Marín e Vilagarcía de Arousa. Outros 21 sitúanse no nivel 1 e o resto, 273 concellos, están no nivel 0.

Os brotes de Ourense causan o maior número de novos casos desde abril en Galicia

1 comentario

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un mapa da NASA alerta da subida do mar en Galicia e revela as zonas máis afectadas

Unha ferramenta dixital baseada nos datos científicos do Sexto Informe do IPCC ofrece unha proxección sobre as subidas do nivel do mar en todo o mundo ata 2150

A gran eclipse solar de abril: cando e onde vela en Galicia?

Este fenómeno astronómico será visible de maneira parcial no oeste da comunidade, especialmente na franxa atlántica da Coruña e Pontevedra

O mapa dos ‘químicos eternos’ en Galicia: ata 70 zonas sospeitosas de grave contaminación

Unha investigación europea sinala a presenza no continente destas substancias nocivas para o medioambiente e a saúde

Identificado un novo campamento romano na fronteira entre Galicia e Portugal

Un equipo de arqueólogos detecta un posible recinto fortificado de tres hectáreas de extensión datado entre os séculos I a.C. e I d.C.