O xardín botánico, a carballeira e os ‘Choróns’ de Caldas de Reis, novo destino Observer

O conxunto de 3,5 hectáreas na ribeira do Umia recibe a certificación que recoñece o valor do seu patrimonio natural e a súa riqueza turística

O xardín botánico, a carballeira e os “Choróns” de Caldas de Reis, un conxunto natural de 3,5 hectáreas situado á beira do río Umia, obtiveron a certificación Observer, un recoñecemento que os identifica como destino de turismo botánico, tanto polo seu patrimonio natural, como pola súa xestión e conservación. Este espazo contra cunha gran variedade e riqueza visual e botánica, que combina flora autóctona e exótica nunha mestura harmoniosa e equilibrada.

O xardín botánico, creado en 1883 para o goce dos visitantes desta vila termal, conta con 200 exemplares arbóreos, dous deles incluídos no Catálogo de Árbores Singulares de Galicia. Pola súa banda, a carballeira, declarada Conxunto dentro do mesmo catálogo, posúe uns 200 exemplares de carballos, moitos deles centenarios. Ademais, o conxunto natural conta cun patrimonio cultural singular, composto por monumentos escultóricos, como bustos de personaxes caldenses e obras dedicadas ao apóstolo Santiago e ao mundo xacobeo, así como unha placa en honra ao científico ilustrado Francisco José de Caldas, coñecido como “o Sabio Caldas”.

Publicidade

Máis valor e visibilidade

Como explican desde Observer, a certificación como destino de turismo científico trata de dar máis valor e visibilidade a través da ciencia a moitos dos espazos turísticos que habitualmente son visitados. Coa concesión do certificado Observer ao Xardín Botánico de Caldas preténdese contribuír e impulsar estas pequenas xoias locais para darlles máis visibilidade, tanto para a comunidade local, para que as valoren máis, como para atraer novos visitantes a estes, moitas veces, aínda pouco coñecidos espazos.

O noso país ten un patrimonio científico descoñecido polo gran público e que se atopa distribuído en numerosos espazos naturais, museos e iniciativas populares. Observer, que conta na actualidade con máis de 400 destinos en toda España, moitos deles en Galicia, continúa, así, sumando espazos á súa oferta turística de destinos, non só interesantes, senón sostibles.

Publicidade

O certificado Observer súmase a outros recoñecementos que xa posúe o conxunto natural de Caldas de Reis, como o de Ben de Interese Cultural (BIC) e a Q de Calidade Turística como Espazo Público Singular, o que consolida a súa posición como un dos espazos verdes máis encantadores e singulares da zona.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

O cine familiar, a resistencia cultural das vilas galegas

Santiago Díaz e Concha Candán son propietarios do Cine Avenida en Caldas de Reis, a primeira multisala dun concello galego de menos de 10.000 habitantes

Laxe dos Bolos, un petróglifo referente da arte rupestre en Galicia

Un libro recolle o traballo arqueolóxico coordinado por Elena Cabrejas Domínguez, arqueóloga do Instituto de Ciencias do Patrimonio
00:00:38

Dinamitan o Acibal para construír eólicos, un monte repleto de petróglifos e pedras históricas

A plataforma Amil Sen Eólicos denuncia que aquí residía a "Pisada do Mouro", unha rocha con gravados rupestres

Un médico impulsor de balnearios

Manuel Jacobo Fernández Mariño foi director en Cuntis e Caldas de Reis e promoveu a hidroloxía en Galicia a comezos do século XIX