O Museo das Ciencias de Valencia está integrado no complexo deseñado por Calatrava.

Visita á Cidade das Ciencias de Valencia

Valencia inaugurou no ano 2000 un gran centro cultural que seguiu a senda aberta unha década antes pola Coruña e os seus museos científicos

É o gran museo do século XXI para dar a coñecer de xeito didáctico, interactivo e ameno todo o relacionado coa evolución da vida, a ciencia e a tecnoloxía. Nun espectacular edificio deseñado polo arquitecto Calatrava, a Cidade das Artes e as Ciencias de Valencia está rodeada dunha superficie de 13.500 metros cadrados de láminas de auga.

O museo, de proporcións grandiosas, alberga multitude de actividades e iniciativas relacionadas coa evolución da vida e a divulgación científica e tecnolóxica. A interactividade distingue ao Museo das Ciencias, que se presenta baixo o lema: “Prohibido non tocar, non sentir, non pensar”. Desta forma, o museo convértese nun instrumento real de educación e reactivación da capacidade crítica da poboación.

Xunto ao extenso material expositivo, o museo tamén promove a difusión de actividades e publicacións relacionadas coa ciencia e a educación, transformándose en transmisor de coñecementos entre o mundo científico-educativo e o conxunto da sociedade.

O seu valor como complemento e apoio para a actividade educativa dos centros escolares e para as empresas e institucións convérteo nun museo vivo, que mantén un diálogo constante coa sociedade que lle rodea.

O Museo das Ciencias Príncipe Felipe é un espectacular edificio de máis de 40.000 metros cadrados, onde poderemos ver unha recreación xigante dunha molécula de ADN, un gran péndulo de Foucault de 34 metros de lonxitude, un dos máis longos do mundo. Hai espazo para os grandes científicos, con premios Nobel como Ramón y Cajal ou Severo Ochoa. Tamén destacan as súas salas dedicadas á conquista do espazo e dous simuladores nos que poderemos subirnos a un transbordador espacial e vivir a emoción do despegue ata alcanzar a Estación Espacial Internacional.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.