GCiencia estrea nova tempada de Desmontando Mitos para o plan estatal de cultura científica

A serie exporá durante as próximas 10 semanas novos casos de crenzas falsas ou insuficientemente contrastadas, en colaboración coa FECYT e a USC

Un ano máis, GCiencia incorpórase ao principal plan estatal de cultura científica, coa estrea este domingo 25 de decembro de Desmontando Mitos, a serie audiovisual que dá voz á comunidade científica e trata de liquidar as dúbidas provocadas pola desinformación ou pola información nesgada. O proxecto desenvólvese co apoio da Fudación Española para a Ciencia e a Tecnoloxía (FECYT), do Ministerio de Ciencia e Innovación, e coa colaboración da Universidade de Santiago.

Durante as próximas 10 semanas, o portal da ciencia galega exporá e desmontará novos casos de crenzas falsas ou insuficientemente contrastadas, para evitar os seus moitas veces devastadores efectos para a sociedade. Farao mediante audiovisuais de carácter divulgativo para chegar ao más amplo número de persoas, pero sen perder a súa estrita rigurosidade científica, para estreitar o filtro da informacións de baixa ou nula calidade que de forma tan habitual calan na sociedade.

Publicidade

Co obxectivo precisamente de incentivar a calidade científica da información, todos os contidos de Desmontando Mitos contarán coa participación de investigadores da USC, que achegarán un sólido punto de vista aos asuntos tratados e contribuirán a dar resposta a diversas cuestións de actualidade e outras crenzas estendidas na opinión pública desde unha perspectiva crítica e científica.

O proxecto é consecuencia da renovación de GCiencia co principal plan estatal de divulgación, que convoca a Fundación Española para a Ciencia e a Tecnoloxía (FECYT), entidade que traballa para reforzar o vínculo entre ciencia e sociedade mediante accións que promovan a ciencia aberta e inclusiva, a cultura e a educación científicas. 

A proposta de GCiencia foi unha das seleccionadas pola fundación ministerial na liña de fomento do pensamento crítico, unha das cinco áreas de actuación que contempla o programa da fundación na súa última edición. O seu obxectivo é dotar á sociedade dos instrumentos precisos para revisar as múltiples mensaxes e contidos que cada día se reciben en diversos formatos, e poder distinguir os datos falsos ou non suficientemente contrastados. As actuacións de fomento do pensamento crítico están dirixidas a formar á cidadanía na metodoloxía e nas características principais do método científico, como paso clave e esencial na loita contra as pseudoterapias e as pseudociencias.

Desmontando Mitos arrinca este 24 de decembro cunha reportaxe sobre as formigas, o seu ocio intelixente e o delgado fío que as une cos humanos. Os contidos —tanto escritos como audiovisuais, todos eles en galego e castelán— difundiranse a través de GCiencia e as súas canles nas redes sociais. Trátase da terceira tempada da serie da sección, que leve acumuladas nas dúas anteriores máis de 200.000 reproducións e decenas de miles de visitas en gciencia.com.

Como nas anteriores edicións, cada reportaxe audiovisual irá acompañada dun artigo no que se profundará en cada un dos asuntos. Un dos obxectivos de Desmontando Mitos é achegar o pensamento crítico ao campo educativo, polo que os audiovisuais estarán tamén enfocados ao seu uso nas aulas. Así, a serie pretende, deste xeito, impulsar a interacción e a participación nestas cuestións a través das redes sociais, un dos principais terreos nos que se propagan as mensaxes desinformativas e pseudocientíficas nos últimos anos.

A Fundación Española para a Ciencia e a Tecnoloxía é unha entidade adscrita ao Ministerio de Ciencia e Innovación, que trata de dar resposta ás necesidades e retos do sistema español de ciencia, tecnoloxía e innovación. A súa convocatoria anual de axudas para o fomento da cultura científica, tecnolóxica e da innovación é coñecida pola esixencia do seu comité de avaliación.

GCiencia xa participou en edicións anteriores da convocatoria da FECYT, poñendo en marcha iniciativas como A Ciencia dos Porqués, Ciencia en VivoInnovar para Emprender ou BioGalicía, que alcanzaron unha importante repercusión.

1 comentario

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Unha noticia de GCiencia cae na proba de Lingua Galega da ABAU 2024

A adaptación dunha peza sobre o Samaín, publicada en outubro de 2023, é o texto central dun dos exames de acceso á universidade

GCiencia abre o ciclo de faladoiros "Os mundos científicos de Vigo"

Os relatorios darán comezo o luns no edificio Redeiras cunha charla introdutoria que leva por título 'A divulgación científica en Galicia'

▪️ GCiencia convoca a oitava edición dos premios Galicia Spin-off

Os galardóns, creados en 2015, recoñecen as mellores iniciativas empresariais xurdidas desde o ámbito da universidade

Gciencia celebra o Día da Lingua Materna cun relatorio sobre a divulgación en galego

A xornalista Laura Filloy abordou a importancia de trasladar o coñecemento científico á sociedade nun acto celebrado no Campus de Lugo da USC