Podcast | Como o IGFAE situou Galicia no mapa mundial da física de partículas

Escoita a conversación co director do centro, Carlos Salgado, co que viaxamos ao pasado e volvemos ao presente do Instituto Galego de Física de Altas Enerxías

Laura Filloy

17/07/2025

O Instituto Galego de Física de Altas Enerxías (IGFAE), centro mixto da Universidade de Santiago de Compostela e da Xunta de Galicia, comezou a súa andaina en xullo de 1999. Nestes 26 anos de traxectoria logrou situarse como unha referencia internacional na física de partículas. En xuño deste 2025 inaugurou a súa nova sede, unha despregadura de laboratorios punteiros para continuar a facer ciencia de primeiro nivel. Neste episodio de GCiencia en colaboración co IGFAE falamos co director do Instituto dende 2016, Carlos Salgado, sobre o pasado e presente dun centro con futuro.

Escoita O podcast de GCiencia en todas as nosas plataformas de podcast: Spreaker, Spotify, Ivoox, iHeart, Deezer, Podcast Addict, JioSaavn e Podchaser

Laura Filloy

Xornalista científica pola Universidade Carlos III de Madrid. Comezou a súa andaina profesional no Faro de Vigo. Con experiencia en comunicación institucional a través de Médicos sen Fronteiras e a Deputación de Pontevedra, meteuse de cheo na divulgación científica na Axencia EFE. Dende 2021 en Gciencia, onde segue a cultivar a súa paixón pola ciencia.