A entrega de fármacos no interior das células non é un obxectivo doado. O noso corpo percibe ese tratamento como algo externo e non entende que pode ser beneficioso para a nosa saúde. Por iso, ese proceso debe de ser algo semellante a completar unha carreira de obstáculos. Dende o Centro Singular de Investigación en Química Biolóxica e Materiais Moleculares (CiQUS), vinculado á Universidade de Santiago (USC), están a desenvolver unha prometedora tecnoloxía que permita que os fármacos baseados en material xenético poidan atravesar con seguridade as barreiras impostas e chegar ao interior da célula.
Para entender mellor as aplicacións e os obxectivos deste proxecto, denominado TraffikGene, falaremos co investigador do CiQUS Alberto Fuertes. Con el debullaremos, ao longo deste novo episodio de O podcast de GCiencia, cales son as fortalezas —pero tamén as debilidades— deste proxecto con ADN 100% galego.
Escoita O podcast de GCiencia en todas as nosas plataformas de podcast: Spreaker, Spotify, Ivoox, iHeart, Deezer, Podcast Addict, JioSaavn e Podchaser
