Fragmento dun vídeo que simula a chegada da Vikram india á Lúa. Fonte: ISRO.
Fragmento dun vídeo que simula a chegada da Vikram india á Lúa. Fonte: ISRO.

Ninguén atopa a sonda da India perdida na Lúa

Un mes e medio despois da aluaxe, e a pesar de comprobar o lugar onde supostamente chegou, apenas hai noticias da nave Vikram

Nos últimos meses, varios países intentaron levar as súas sondas á Lúa. Detrás da carreira espacial que encabezaron durante anos Estados Unidos e Rusia, outras nacións quixeron seguir estes pasos. Houbo éxitos, como os de China na cara oculta do satélite, pero as cousas non sempre saen ben. En abril, a Beresheet de Israel esnafrouse debido a un erro no motor. E en setembro foi a India a que, co sonda Vikram, da misión Chandrayaan-2, quixo poñer un obxecto na superficie lunar. Pero a cousa tamén saíu mal e, por agora, case nada se sabe dela.

Máis dun mes despois da aluaxe, prevista entre o 6 e o 7 de setembro, (crese que preto do polo sur da Lúa), e a pesar da axuda da Lunar Reconnaisance Orbiter (LRO), non hai ningún trazo da Vikram. Despois de repasar varias veces as imaxes anteriores e posteriores á data na rexión na que se cre que chegou a sonda, non se atopou ningunha evidencia dela.

Á procura da Vikram

Nunha primeira revisión, a LRO rexistrou unha ampla zona, pero ao haber zonas de escuridade e sombra dificultando a visión da superficie, era posible que a Vikram se agochase nalgúns deses puntos, segundo informou a NASA. Intentouse de novo hai uns días, con mellor visibilidade, pero tampouco houbo resultados positivos.

“É posible que Vikram estea nunha zona de sombra ou fóra da área na que a estamos buscando”, dixo John Keller, un científico da misión LRO. Debido á latitude (uns 70º sur), as sombras son habituais nesta zona, polo que non se pode realizar a busca en condicións óptimas.

Con todo, queda a posibilidade de que Vikram estea realmente noutro punto do satélite. A axencia espacial india perdeu contacto con ela durante a aluaxe, pero días despois anunciouse que fora atopada nunha imaxe térmica. Pero non houbo ningún sinal de retorno desde a Lúa. E, ata o de agora, a súa ubicación exacta segue sendo un misterio.

A misión Chandrayaan-2 dá continuidade ao primeiro proxecto lunar da India, en 2009, cun satélite que se mantivo na órbita do astro. Antes dos problemas desta nova misión, a Chandrayaan-2 puido tomar imaxes do satélite. Por agora, despois dos fracasos de Israel e a India, só Estados Unidos, Rusia e China foron quen de levar con éxito os seus aparellos á superficie lunar.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.