Premio de investigación contra o cancro nos EUA para a empresa Libera Bio, nacida na USC

A 'start up' , froito de décadas de traballo no laboratorio de María José Alonso, desenvolve novidosas estratexias terapéuticas con anticorpos monoclonais

María José Alonso, catedrática da USC, investiga como a nanotecnoloxía pode axudar a crear fármacos máis efectivos. Foto: Paula Martínez Graña.
María José Alonso, catedrática da USC. Foto: Paula Martínez Graña.

A Fundación Nacional para a Investigación do Cancro dos Estados Unidos (NFCR) galardoou á compañía biofarmacéutica Libera Bio, nacida ao abeiro da USC, nos Premios Salisbury 2021 para a Investigación Traslacional.

Libera Bio, cuxa misión é desenvolver unha nova xeración de Nanomedicamentos de Precisión destinados a mellorar o tratamento do cancro, nace en 2020 froito de décadas de investigación do laboratorio da profesora María José Alonso, no CiMUS da Universidade de Santiago (USC), e grazas ao apoio de GAIN (Axencia Galega de Innovación) a través do seu Programa IGNICIA-Proba de Concepto. A doutora Desirée Teijeiro, con 18 anos de experiencia en Nanomedicina nos sectores académico e industrial e hoxe Directora de Operacións de Libera Bio, liderou e xestionou con éxito o proxecto de Valorización, e é co-fundadora da empresa xunto á profesora Alonso, Olivier Jarry (actual CEO) e a USC.

Nace Libera Bio para deseñar dende Santiago fármacos contra o cancro

Libera Bio desenvolve un novo vector que libera anticorpos monoclonais a nivel intracelular para tratar dianas terapéuticas contra o cancro ata o de agora inabordables farmacolóxicamente. Esta innovación para as terapias oncolóxicas foi recoñecida polo xurado dos premios Salisbury, alzándose coa terceira praza neste certame mundial de referencia.

Con este galardón, LiberaBio sobe a un podio privilexiado que comparte con TanoMed, fundada no Centro de Investigación en Bioloxía do Cancro de Tel Aviv (Israel) e que foi galardoada co primeiro premio deste certame, e RadioMedix, firma nada no prestixioso ecosistema de investigación oncolóxica con sede en Houston, no segundo posto.

Os Premios Salisbury teñen como obxectivo identificar e promover descubrimentos innovadores na área do cancro, para optimizar a súa chegada ao mercado. O comité de xuíces do evento avalía as innovacións en función das categorías de viabilidade, novidade e impacto en beneficio do paciente con cancro.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.