Venres 29 Marzo 2024

María José Alonso, a científica máis influente de España

A catedrática de Farmacia e Tecnoloxía Farmacéutica da USC xa se situara o ano pasado como a máis influente en Ciencias da Saúde, posto no que se mantén

Un novo fito na carreira de María José Alonso, catedrática de Farmacia e Tecnoloxía Farmacéutica da Universidade de Santiago de Compostela. Segundo informou este martes a institución, converteuse na investigadora máis influente de España atendendo ao índice de citación dos seus traballos científicos. O ránking do índice h, o indicador máis relevante do impacto das publicacións científicas dentro dunha área específica, outórgalle un índice-h 71, a posición máis alta entre todas as investigadoras que figuran na lista en calquera dos ámbitos científicos indexados. O ano pasado, Alonso xa era a máis influente no eido das Ciencias da Saúde, no que se mantén neste 2019 á cabeza.

Segundo subliña a USC, o impacto das publicacións científicas asinadas por mulleres nas múltiples áreas do campo da investigación en Saúde atópase por debaixo dos seus compañeiros varóns na maioría dos ámbitos, con escasas excepcións, entre elas a área de Farmacoloxía e Farmacia, onde a profesora Alonso figura á cabeza.

Publicidade

Segundo a última actualización desta lista de referencia, a profesora Alonso conseguiu un índice-h 71, con máis de 16.300 citas das súas publicacións. María José Alonso mantén esta posición de máis influente nos últimos anos. Xa no 2010, o impacto dos seus traballos levouna a clasificarse no top 10 de investigadores no seu campo a nivel mundial (Times Higher Education International).

Esta lista reúne os datos dun total de 4.025 investigadores que traballan en España, dos que 2.329 figuran nos ránkings de 157 áreas de investigación. A media dos índices-h no conxunto destes ránkings sitúase nun 38.

María José Alonso graduouse en Farmacia pola Universidade de Santiago de Compostela en 1981 e obtivo o seu doutoramento en 1985. É catedrática de Farmacia e Tecnoloxía Farmacéutica na USC e dirixe o MJ Alonso Lab. En 2014, xunto a Alicia Estévez, foi a primeira muller en ingresar na Real Academia Galega de Ciencias despois de case 25 anos. Ao longo da súa traxectoria acumulou infinidade de méritos e recoñecementos de prestixiosas sociedades.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Nanotecnoloxía galega contra o tumor cerebral máis común

Un estudo da USC abre a porta a unha nova aproximación terapéutica que podería posibilitar un ensaio clínico nun prazo de tres anos

Yolanda Prezado: “Coa protonterapia erradicamos o 83% dos tumores en estudos preclínicos”

A científica galega referente en París incorpórase ao CiMUS para impulsar a investigación en Galicia da terapia con protóns

Galicia notifica 10 mortes ao día por consumo de tabaco

A investigadora da USC Julia Rey Brandariz constata na súa tese que a comunidade galega é a duodécima que máis falecementos rexistra por esta substancia

O aire en Europa é o máis seco dos últimos 400 anos

Unha investigación demostra que, desde principios do século XXI, se está a producir un desecamento xeralizado debido á actividade humana